फोटो पत्रकार क्लबको अध्यक्षमा पुनः कार्की

Mero Film

नेपालका विभिन्न छापा सञ्चार माध्यममा कार्यरत फोटो पत्रकारहरुको छाता संगठन पिजे क्लब, नेपालको नवौँ साधारणसभाबाट बिकास कार्कीको अध्यक्षतामा ११ सदस्यीय नयाँ कार्यसमिति चयन गरेको छ । आगामी दुई वर्षका लागि अन्नपूर्ण पोष्टका फोटो सम्पादक बिकास कार्कीको अध्यक्षतामा ११ सदस्यीय नयाँ कार्यसमिति चयन गरेको हो । अध्यक्षमा कार्कीसहित उपाध्यक्षमा नेपाल रिपब्लिक मिडीयाका फोटो पत्रकार केशबराज थोकर, महासचिवमा कान्तिपुर पब्लिकेशनका फोटो पत्रकार श्रुति श्रेष्ठ र कोषाध्यक्षमा राजधानी दैनिकका फोटो पत्रकार द्वारीका काफ्ले, सचिबमा नयाँ प्रत्रिकाका ज्ञानेन्द्र कार्की निर्विरोध निर्वाचित भएका हुन ।

यसै गरी सदस्यहरुमा गोरखापत्रका बिकास द्वारे, द काठमाडौ पोष्टका प्रकास तिमल्सेना, नेपाली टाईम्सका बिक्रम राई, कान्तिपुरका हेमन्त श्रेष्ठ, स्पोर्टस टाईम्सका शंकर ब्यजनकार, नयाँ प्रत्रिकाका अमूल थापा निर्बिरोध चयन भएका छन् । निर्वाचित पदाधिकारीहरुलाई शनिबारै एक समारोहका बीच निर्वाचन समितिका संयोजक अधिबक्ता पबित्रा राउत र नेपाल पत्रकार महासंघका प्रतिनिधी तथा एसोसियट संयोजक पवन आचार्यले प्रमाणपत्र प्रदान गरेका थिए ।
नेपाल पत्रकार महासंघका महासचिब रमेश बिष्टको प्रमुख अतिथ्यमा सम्पन्न अधिबेसनमा बरिष्ठ फोटो पत्रकार विकास रौनियार, नरेन्द्र श्रेष्ठ, किरण पाण्डे तथा निबर्तमान अध्यक्ष प्रकास माथेमाको उपस्थितीमा रहेको थियो । कार्यक्रममा बोल्दै नेपाल पत्रकार महासंघका महासचिब रमेश विष्टले फोटो पत्रकारिताको महत्व अहिलेको समयमा झन् बढ्दै गएको बताए । तस्बिरको भाषा सशक्त हुने भन्दै फोटो पत्रकारहरुका समस्याबारेमा महासंघ संवेदनशिल रहेको बताए । फोटो पत्रकारहरुको न्यूनतम पारिश्रमिक र उनीहरुका क्यामेराको विमाबारे क्लबसँग सहकार्य गर्ने विष्टले बताए । यसैगरी क्लबले निवर्तमान कार्यसमितिका सवै पदाधिकारी तथा सदस्यलाई क्लबप्रति गरेको योगदानका लागि बिषेश धन्यवाद ज्ञापन समेत गरेको थियो ।


Leave a Reply

Your email address will not be published.