आकाश र आश्माको ‘ड्रिम गर्ल’ असारमा

- मेराेफिल्म

निर्देशक ऋषिराज आचार्यको नयाँ फिल्म ‘ड्रिम गर्ल’ असार २९ गतेदेखि देशब्यापी प्रदर्शनमा आउने भएको छ ।
ऋषिराजले ‘ड्रिम गर्ल’ डिसिएनले बितरण गर्ने सम्झौता भएको बताउदै प्रदर्शन मिति सार्वजनिक गरेका हुन् । आकाश श्रेष्ठ, आश्मा गिरी, बिल्सन बिक्रम राई, सरोज खनाल, अर्जुन श्रेष्ठ, सुरवीर पण्डितलगायतका कलाकारले अभिनय गरेको फिल्ममा झण्डै दुई करोड बढी लगानी लागेको बताइन्छ ।
काठमाडौ, मुस्ताङ, राराताल तथा थाइल्यान्डका विभिन्न स्थानमा खिचिएको फिल्मको मुख्य निर्माता पनि निर्देशक ऋषिराज आफै हुन । सहनिर्मातामा अर्जुन शर्मा, दक्षिण भारतको रिल एन्ड रियल सिनेमाका अन्टा रोचा रोवन र रामेश्वर घिताल छन् । आरबी मुभिजको ब्यानरमा बनेको प्रेमकथानक फिल्ममा अर्जुन पोखरेलको संगीत छ । राहुल राईले खिचेको फिल्मको सम्पादन नवीन निरौलाले गरेका हुन् । केही दिनपछि फिल्मको एउटा गीत सार्वजनिक गरिने निर्देशक ऋषिराजले जानकारी दिएका छन् ।

२०७४ चैत १५ गते ११:११ मा प्रकाशित

प्रतिक्रिया

Leave a Reply

Your email address will not be published. Required fields are marked *