कलाकार श्रेष्ठलाई पत्नीशोक

Mero Film

चैत २०, २०७४ मंगलबार ०८:१३

वरिष्ठ कलाकार मदनकृष्ण श्रेष्ठकी धर्मपत्नी यसोदा श्रेष्ठको ६७ बर्षको उमेरमा निधन भएको छ । लामो समय देखी क्यान्सरबाट ग्रसित उनको हरिसिद्धिस्थित क्यान्सर अस्पतालमा निधन भएको पारिवारिक श्रोतले पुस्टी गरेको छ । उनको हिजो राती १०:४५ मा उपचारको क्रममा अस्पताल मै मृत्यु भएको हो ।

२०३० सालमा मदनकृष्णले यशोदासँग परिवारको मञ्जुरीमा अन्तर्जातीय विवाह गरेका थिए । उनीहरुका दुई सन्तान यमन र सरना रहेका छन् ।

यशोदा पहिले आन्द्रा, त्यसपछि फोक्सो र पछिल्लो समय मेरुदण्डको क्यान्सर पीडित थिइन् । क्यान्सरका कारण पछिल्लो समय उनको दुवै खुट्टा नचल्ने भएको थियो । निधनको खबर लगत्तै अस्पतालमा श्रद्धान्जली दिन आफन्त, शुभचिन्तक र कलाकारहरुको भीड लागेको थियो । उनको मंगलवार पशुपति आर्यघाटमा अन्तिम संस्कार गरिदैछ ।