आकाश अभिनयमा पनि दम देखाउने की ?

बुधबार बेलुकी फिल्म ‘तिमी सँग’को प्रिमियर भयो । फिल्मको प्रिमियर सकेर बाहिर निस्किएका सबैले अभिनेता नाजिर हुसेनको तारिफ गरे । तर, प्रिमियरमा नपुगेका अभिनेता आकाश श्रेष्ठमा अझै पनि दम नपुगेको प्रतिक्रिया धेरैले दिएका छन् ।
आकाश अहिले व्यस्त छन् । ६ महिनामा उनका ४ वटा फिल्म रिलिज हुँदैछन् । तर, सबै फिल्ममा आकाशलाई उत्कृष्ट अभिनयको च्यालेन्ज छ । आकाश अहिले धेरै फिल्ममा काम गर्ने धुनमा छन् । उनले, अभिनेत्री पूजा शर्माले निर्माण गरिरहेको फिल्म ‘रामकहानी’मा काम गरिरहेका छन् । यो फिल्ममा पनि हाँस्य कलाकारको बाक्लो उपस्थिती छ । आकाशको चकलेटी अनुहारलाई त फिल्मीकर्मीले पत्याएका छन् । तर, अभिनयमा दम नदेखाउने हो भने क्रेडिट अरुले नै लान बेर छैन ।
यसैले, फिल्मको व्यस्त सेड्यूलबाट समय निकालेर आकाशले अभिनयलाई दमदार बनाउन पनि ध्यान दिने हो की ?