कार्टुन्ज क्रु र टंक बुढाथोकीको ‘रेलिमाई’ यूट्युब ट्रेन्डिङ नम्बर १ मा

- मेराेफिल्म

टंक बुढाथोकीको शब्द, संगीत तथा स्वर रहेको गीत ‘रेलिमाई’ को भिडियो सार्वजनिक भएको छ । नेपालकै चर्चित डान्स ग्रुप ‘कार्टुन्ज क्रु’ फिचर गरिएको उक्त भिडियो यूट्युब मार्फत सार्वजनिक गरिएको हो ।
सार्वजनिक भएको केही समयमा नै यूट्युब ट्रेन्डिङ नम्बर १ मा पर्न सफल यस गीतका सर्जक टंक बुढाथोकीको पछील्लो समय फिल्म शत्रु गतेको गीत रुपै मोहनी निकै चर्चित बनेको छ । रुपै मोहनी जस्तै यो गीतले पनि चर्चा बटुल्नेमा आफु विश्वस्त रहेको विश्वाश बुढाथोकीले ब्यक्त गरेका छन । सरोज अधिकरीको निर्देशनमा बनेको भिडियोमा सरोजको साथमा सुविन चौहान र राम घलेले कोरियोग्राफी गरेका छन् । गीतको भिडियोमा कार्टुन्ज क्रुका सदस्यहरु सरोज अधिकारी, आश्मा बिश्वकर्मा, लाक्पा डि लामा, राम घले, सुविन चौहान र बिकास राईको साथमा दृष्टि श्रेष्ठ, बिजय अधिकारी र दिपेश बुढाथोकीलाई फ़िचरिङ्ग गरिएको छ ।ज्ञानेन्द्र शर्माको छायांकन रहेको भिडियोलाई सुप्रिम पराजुलीले सम्पादन गरेका हुन् ।
भिडियो सार्बजनिक भएसंगै गायक टंक बुढाथोकी र कार्टुन्ज क्रुका टिम मेम्बरहरुले यो गीतको कभर डान्स प्रतियोगिताको समेत आयोजना गरेका छन् । कभर डान्स प्रतियोगिताका उत्कृष्ट तीन प्रतियोगीलाई क्रमश प्रथम हुनेलाई ७५ हजार, दोश्रो हुनेलाई ५० हजार र तेश्रो हुनेलाई २५ हजार रुपैयाँ पुरस्कार दिईने भिडियो निर्देशक तथा कार्टुन्ज क्रुका सरोज अधिकारीले बताए । २०७५ असार १ गतेसम्म पठाईसक्नुपर्ने भिडियोको बिजेता घोषणा असारको १७ गते हुनेछ ।

२०७४ चैत २४ गते १०:१३ मा प्रकाशित

प्रतिक्रिया

Leave a Reply

Your email address will not be published. Required fields are marked *