नि:सन्तान हुँदाको मानसिक द्धन्द्धको कथा फिल्म ‘प्रसाद’

नि:सन्तानका कारण पति र पत्निबीचमा आउने असमझदारी, अविश्वास तथा आफैँमा उत्पन्न हुने एक मानसिक द्धन्द्धसँगै सामाजिक मूल्य, मान्यता विरुद्धको कथा हो फिल्म ‘प्रसाद’ । आज एक औपचारिक कार्यक्रमका बिच यस फिल्मको घोषणा गरिएको छ ।

विपिन कार्की, नम्रता श्रेष्ठ, नवीन मानन्धर लगायतको मुख्य भूमिका रहने फिल्मको निर्देशन दिनेश राउतले गर्नेछन भने एशोसियट डिरेक्टरका रुपमा विकास सुवेदी रहने छन् । सुभाष थापाको निर्माण रहने फिल्मको कथा सुशील पौडेलको हो ।

फिल्ममा राजेश श्रेष्ठको छायांकन, कोशिष क्षेत्री र सुवास भुषालको संगीत, अन्जु पन्त, केतन क्षेत्री, रुपक डोटेल लगायतको गायन रहने छ । फिल्मको गीत गणेस शाही, जोसेफ शाही ठकुरीले लेखेका छन् । फिल्म बैशाख अन्तिमबाट फ्लोरमा जानेछ ।