इलाममा इन्दिराको धमाकेदार प्रस्तुति

- मेराेफिल्म


झमझम पानी परेर चिसिएका माहोललाई इन्दिरा जोशीको आगमनले भरपुर आनन्दले तताएको थियो । सूर्योदय नगरपालिकाका बासिन्दाहरु इन्दिराको आगमनले जोसिएक थिए । नयाँ बर्ष लक्षित दास्रो सडक महोत्सबको पहिलो दिन नै इन्दिराले माहोललाई धमाकेदार तरिकाले तताइन् । मानिसहरु चिसोको वास्ता नगरि फिक्कल बजारमा भेला भएका थिए । इन्दिरा जोशीको प्रस्तुति हेर्ने अबसर सूर्याेदय होटेल एसोसियसनले जुराएको थियो ।

लामो समयको प्रतीक्षा पछि करिब साढे ८ बजे ‘बेहुली’ गीत गाउदै इन्दिराले स्टेज प्रबेश गरिन । उनले प्रेमगीत २ का मोटरसाइकलमा घुम्नलाई जाउँ कान्छि , उध्रको चोली, म त मर्छु कि क्या हो ठूली लगायतका गीतहरु गाउँदै दर्शकहरुलाई जुरुक जुरुक पारन् । करिब ४० मिनेटको प्रस्तुतिले सूर्याेदय नगरबासिहरु लठ्ठ परेका थिए । उनीहरु वान्स मोर बान्स मोर भन्दै जोशीलाई आग्रह गरिरहेका थिए भने जोशीले पनि केही गीतहरु दोराएर गाइदिइन् । लामो समयपछि राष्ट्रियस्तरको कलकारको प्रस्तुति भएकाले सूर्योदय नगरवासीले जोशीलाई राम्रैसँग साथ दिए ।

२०७४ चैत ३० गते १४:०७ मा प्रकाशित

प्रतिक्रिया

Leave a Reply

Your email address will not be published. Required fields are marked *