दुई दिन फुटबल खेल्दै अनमोल

- मेराेफिल्म

अनमोल केसीले अभिनय गर्ने फिल्म ‘क्याप्टेन’को सुटिङ आइतबारबाट इलाममा सुरु भएको छ । तर धेरैले अनुमान गरे झैं फिल्मको सुटिङ पूर्ण रुपमा भने सुरु भइसकेको हैन । फिल्मको कथा अनुसारको सेटअप इलाममा चलिरहेको माईभ्याली गोल्डकपमा रहेकाले निर्माता भुवन केसीले चलाखी गर्दै सो कुरा खिच्न इलाम गएका हुन् । निर्माण टिमका एक सदस्यले दिएको जानकारी अनुसार अनमोलले दुई दिन त्यहाँ सुटिङ गर्नेछन् ।

आइतबार माइभ्याली कपको सेमीफाइनल थियो भने सोमबार फाइनल छ । सोही दिनमा अनमोल पनि फुटबल खेलाडीको रुपमा सुटिङमा सहभागी हुनेछन् । फुटबलको क्राउड र सेटअप दुरुस्त देखियोस् भनेर निर्माता भुवन केसीले बिचैमा सुटिङ सुरु गरेका हुन् । फिल्मको औपचारिक सुटिङ भने जेठको पहिलो हप्ताबाट गर्ने तयारी भइरहेको ति सदस्यले मेरो फिल्मलाई बताए ।
फिल्ममा अनमोल केसीसँगै उपासन सिंह र प्रियंका एमभीको अभिनय रहेको छ । फिल्मलाई दिवाकर भट्टराईले निर्देशन गर्दैछन् ।

२०७५ वैशाख १७ गते १३:३० मा प्रकाशित

प्रतिक्रिया

Leave a Reply

Your email address will not be published. Required fields are marked *