नोबेल क्वीज मेनियाको बिजेता नोट्रे ड्याम कलेज

एसियाली स्तरको हाजिरीजवाफ प्रतियोगिता नोबेल क्वीज मेनिया ६ को ग्रान्ड फिनाले सम्पन्न भएको छ । कान्तिपुर एचडी टेलिभिजन मार्फत प्रसारित कार्यक्रममा विभिन्न चरण पार गर्दै भारतबाट बिरला विद्या निकेतन, नेपालबाट सीसीआरसी कलेज र बंगलादेशबाट नोट्रे ड्याम कलेज रोमाञ्चक फाइनलमा प्रवेश गरेका थिए ।

प्रतियोगिताको शीर्ष उपाधि जित्दै बंगलादेशको नोट्रे ड्याम कलेजले प्राप्त गर्यो भने प्रथम उपविजेता भारतको बिरला विद्या निकेतन तथा द्धितीय उपविजेता नेपालको सीसीआरसी कलेज बन्यो । प्रथम पुरस्कार स्वरुप पाँच लाख रुपैंया प्राप्त ग¥यो भने प्रथम उपविजेतालाई तीन लाख रुपैंया र द्धितीय उपविजेतालाई एक लाख पचास हजार रुपैंया प्रदान गरियो । हाल क्वीज मेनिया कार्यक्रमको सातौं संस्करणको तयारी भइरहेको र नयाँ संस्करणले अझ बढी देशहरुलाई समेट्ने लक्ष्य रहेको आयोजक एक्रेटिभ मिडियाले जनाएको छ ।