जेठ ११ मा ‘सुनकेशरी’ संगै ‘कोशेली’

फिल्म ‘कोशेली’ जेठ ११ गतेबाट प्रदर्शनमा आउने भएको छ । प्रेम, द्वन्द्व, विछोडलगायतका विषय समेटिएको फिल्ममा मनोज खत्रीको लेखन तथा निर्देशन रहेको छ । निर्देशक खत्रीले फिल्मको प्राविधिक काम सक्न समय लागेकाले फिल्म पौषबाट जेठमा पुगेको बताए ।

भोले बाबा फिल्म्सको व्यानरमा निर्मित फिल्ममा उमादेवी खत्री प्रस्तुतकर्ता रहेकी छन् । फिल्ममा मनोज खत्री, दिनेश शर्मा, जेएन घिमिरे, रचना लामा, सुरज ढकाल, मञ्जिला बुढाथोकी, तेजा ऐर, उमा भट्टराई, तारा लामा र सन्तोष कार्कीको अभिनय हेर्न सकिने छ । फिल्ममा अभिषेक पौडेलको सम्पादन, सत्यम राना र सुदिप आचार्यको भीएफएक्स, कृष्ण कोइरालाको प्रोडक्सन, विकास चौधरीको संगीत, देव महर्जनको द्वन्द्व, दिनेश लिम्बुको कोरियोग्राफी र रवि कोइरालाको छायांकन छ ।

जेठ ११ बाटै ऋचा शर्माको हरर फिल्म ‘सुनकेशरी’ पनि रिलिज हुँदैछ ।