डेड अर्ब घोटाला प्रकरणका मुख्य नाईके गीतकार/सिइओ गोविन्द प्रसाद उपाध्याय

- मेराेफिल्म

नेपाली संगीतको क्षेत्रमा चिर परिचित नाम हो गोविन्द प्रसाद उपाध्याय । गीतकारका रुपमा नेपाली संगीतको क्षेत्रमा पाइला चालेको छोटो समयमा नै उनले आफ्नो बलियो उपस्थिती प्रस्तुत गरेका थिए । औपचारिक रुपमा सत्यता एल्बमबाट उनको सांगीतिक यात्रा सुरु भएको थियो ।

सत्यता, सत्यता-२ र पछिल्लो समय उनको तेश्रो एल्बम सत्यता-३ सम्म आइपुग्दा उनले निकै मान सम्मान र अवार्ड समेत प्राप्त गरे ।

तर, अहिले उनको छबी धमिलिएको छ । पछिल्लो समय उनि एक बैंकको घोटाला प्रकरणमा मुछिएका छन् । एपेक्स बैंकका सिइओ रहेका उनि एक अर्ब ५० करोड ९६ लाख ३३ हजार ९ सय ८४ रुपैयाँ घोटाला प्रकरणमा मुछिएका हुन् ।

उनी सहित १ सय २७ जनालाई सिआइबीले फरार अभियुक्त बनाई सरकारी वकिल कार्यालयमार्फत बुधबार पाटन उच्च अदालतमा बैंकिङ कसुर मुद्दा दायर गरेको हो ।

घोटाला प्रकरणबारे अनुसन्धान सुरु भएलगत्तै उपाध्याय फरार भएका थिए । उनी अहिले अमेरिका पुगेको बुझिएको छ । उनी सहित विदेश फरार भएकाहरुलाई इन्टरपोलको सहयोगमा पक्राउ गरी नेपाल ल्याइने सिआइबीका अधिकारीहरुले बताएका छन् ।

२०७५ जेठ ७ गते १५:१७ मा प्रकाशित

प्रतिक्रिया

Leave a Reply

Your email address will not be published. Required fields are marked *