जापानमा ‘सुर्य इन्टरनेशनल अवार्ड’ हुँदै

जापानमा पहिलो पटक नेपाली फिल्म र संगीत सम्बन्धी अवार्ड हुने भएको छ ।

इन्टरनेशनल इन्टरटेनमेन्ट कम्पनी सुर्य कर्पोरेसनले जापानको टोकियोमा अवार्ड शो आयोजना गर्न लागेको हो । लामो समय देखि आन्तरिक कसरतमा रहेको कर्पोरेसनले अवार्डको घोषणा गरेको हो । डान्स, कमेडी, गायन र अभिनय विधामा रहेर अवार्ड आयोजना हुनेछ ।

विश्वकै सबै भन्दा ब्यस्त र महँगो शहर टोकियोमा अहिले सम्मकै ठुलो साँस्कृतिक कार्यक्रम बिच अवार्ड सन्चालन हुने आयोजक संस्थाका बासु देव लामिछानेले बताएका छन ।

अवार्डमा नेपालबाट नयाँ तथा पुराना ख्याती प्राप्त कलाकारहरु टोकियो जानेछन । सुर्य इन्टरनेशनल अवार्ड नाम दिइएको उक्त अवार्डमा नेपाली चलचित्र र संगीत दुवै विधामा उत्कृष्ट ५ नोमिनेसन छनोट गरी अनलाइन भोटिंग सिस्टमको आधारमा अवार्ड प्रदान गरिने आयोजकको भनाई छ ।

सेप्टेम्बर १६ मा नाकानो जेरो हलमा अवार्ड समारोहको आयोजना हुनेछ ।