नाम्चेबजारमा कन्सर्ट वीथ डिजे

- मेराेफिल्म

एभरेष्ट डेको अवसरमा सोलुखुम्बुको नाम्चेबजारमा ‘एभरेष्ट डे–२०१८’ सांगीतिक कार्यक्रम प्रस्तुत गरिएको छ । पार्टि एभरेष्ट इन्टरनेशनल इन्टरटेन्मेन्टको व्यवस्थापनमा नाम्चे युथ ग्रुपले नाम्चेबजार स्थित हिमालय आधारभूत विद्यालयको प्रांगणमा लोकप्रिय कलाकारहरुको साथमा लाईभ कन्सर्ट तथा डान्स पार्टि सञ्चालन गरेको थियो । पार्टि एभरेष्टका पासाङ छिरिङ शेर्पाका अनुसार यो कन्सर्ट विश्वकै सबैभन्दा अग्लो स्थानमा गरिएको कन्सर्ट तथा डान्स पार्टि हो ।

‘सगरमाथाको फेदी अनुपम छ ठाउ, आन्तरिक पर्यटनका लागि नाम्चे घुम्न जाउ’ भन्ने नारा राखेर आयोजना भएको सांगीतिक कार्यक्रममा प्रशान्त तामाङसहित बद्री पंगेनी, अभिनाष घिसिङ तथा लोक गायिका प्रिया भण्डारीले गीत प्रस्तुत गरेका थिए । कार्यक्रममा सहभागि हुन गायक प्रशान्त तामाङ मुम्बईबाट आएका थिए ।

लोक गायक बद्री पंगेनीले भने आफ्नो गायनमार्फत उपस्थित झण्डै ३५ सय दर्शकहरुलाई छमछमि नचाए । गायक अभिनाष घिसिङ तथा गायिका प्रिया भण्डारीले पनि दर्शकहरुलाई उत्तिकै मनोरञ्जन दिए । सांगीतिक कार्यक्रम लगत्तै डिजे तेन्जिङले कार्यक्रम परिसरलाई डान्स फ्लोरको रुपमा रुपान्तर गरिदिए ।

सगरमाथाको आरोहण गरेर फर्किएका विदेशी पाहुनाहरुले समेत सांगीतिक कार्यक्रमबाट मनोरञ्जन लिएको डिजे तेन्जिङले बताए । उद्घोषिका जेनी शेर्पाद्वारा सञ्चालित साझ ६ बजेपछि प्रारम्भ भएको ‘पार्टि एट टप अफ द वल्र्ड’ कन्सर्ट तथा डिजे पार्टि बिहान ५ बजेसम्म चलेको थियो ।

२०७५ जेठ २२ गते १५:०७ मा प्रकाशित

प्रतिक्रिया

Leave a Reply

Your email address will not be published. Required fields are marked *