सलमानलाई मन परेन ‘सन्जु’

बलिउड नायक सलमान खानले सञ्जयको दत्त बायोपिक ‘सन्जु’ को घुमाउरो तरिकाले आलोचना गरेका छन् । उनले यसरी आलोचना गर्नुमा रणनीतिक कारण छ । सलमानको फिल्म रेस ३ र रणवीर कपूर अभिनित फिल्म सञ्जु एक हप्ताको अन्तरमा यहि महिना रिलिज हुदैछ । यतिबेला रेस ३ भन्दा सञ्जुको चर्चा बढी रहेको देख्न सकिन्छ ।

रेस ३ को ट्रेलरले गाली खाईरहेको छ भने सञ्जुको ट्रेलरले दर्शकको मन जितिरहेको छ । जसलाई सलमानले पचाउन सकिरहेका छैनन् । त्यसै कारण उनले सञ्जुलाई डोमिनेट गर्न थालेका छन् । हालै रेस ३ को प्रमोसनका क्रममा सलमानलाई सञ्जुको विषयमा सोधिएको थियो । उक्त प्रश्नमा उनले सञ्जुको ट्रेलर आफुले हेरेको तर रणवीरले आफ्नो भूमिकामा न्याय दिन नसकेको संकेत गरे ।

सलमानले रणवीरको नाम नलिइकन भने, मलाई लाग्छ अरु कसैले यो भूमिका गरेको भए न्याय गर्न सक्थ्यो । उनले पछिल्लो ५० वर्ष नाघेपछिको भूमिका सञ्जय दत्त स्वयम्लाई गराउनुपर्ने सुझाव दिएका थिए । उनले निर्देशक राजकुमार हिरानीको भने प्रशंसानै गरे ।