मण्डलामा ‘राजेन्द्र लक्ष्मी’

राजेन्द्र राज्य लक्ष्मी देवी शाहको वास्तविक जीवनमा आधारित भई लेखिएको नाटक ‘राजेन्द्र लक्ष्मी’ मण्डला थिएटर अनामनगरमा प्रदर्शन भइरहेको छ ।

राजेन्द्र राज्य लक्ष्मी देवी शाह नेपालकी पहिलो रानी हुन् जसले सासन सत्ता आफ्नो हातमा लिएर राज्य संचालन गरेकी थिइन् । उनको आठ बर्षे शासन कालमा पृथ्वी नारायण शाह द्वारा थालनी गरिएको राज्य एकीकरण प्रक्रियालाई निरन्तरता दिएकी थिइन् । नेपालको सिमाना लाई बढेर उनले कालीगण्डकी सम्म पुर्याएकी थिइन् । उनको बिरता तथा कुशल राज्य संचालनकलाको प्रसंसा गर्दै नाटक निर्माण गरिएको छ ।

नम्रता केसीको परिकल्पना तथा निर्देशन रहेको नाटक राजेन्द्र लक्ष्मीमा निश्मा छुच्ची, नम्रता केसी, निशा कार्की, कुन्ती सिमली, पवन पाठक, रेणु योगी र मनिशा बस्नेतको अभिनय रहेको छ । असार ८ बाट मन्चन सुरु भएको नाटक मण्डला थिएटर अनामनगरमा असार २४ गते सम्म चल्ने छ ।