प्रताप दासको ‘लेखे एउटा’ सार्वजनिक

नेपाल आइडल सेकेण्ड रनरअप प्रताप दासको स्वरमा रहेको गीत ‘लेखे एउटा’ को म्युजिक भिडियो सार्वजनिक भएको छ ।  गीतमा हरि पराजुलीको शब्द र सरोज पोखरेलको संगीत रहेको छ ।

केदार धितालको निर्देशनमा बनेको भिडियोमा श्रेया कार्की र कमल सिंहको अभिनय हेर्न पाइन्छ । भिडियोमा बाल कलाकार बिराज ढकाल र आस्मा परियारलाई पनि देख्न सकिन्छ । बुद्ध थापाको छायांकन र निशान घिमिरेको सम्पादन रहेको छ । गीतमा आमोङ तामाङको एरेन्ज, साजन शाहको मिक्सिङ र मास्टरिङ छ ।