बालुवाटारमा कलाकार पुग्दा दीपकको टाउको दुख्यो

- मेराेफिल्म

प्रधानमन्त्री केपी शर्मा ओलीसँग निर्देशक दिनेश डीसी नजिक छन् । नजिक भएरै त होला, ओलीले डीसीलाई भारत भ्रमणमा समेत लिएर गएका थिए ।

उनै ओलीसँग नेपाली फिल्मका कलाकारले भेट गरे । ओलीसँग कलाकारको भेटघाटको चाँजोपाजो उनै डीसीले मिलाएका थिए । डीसीले चाँजोपाजो मिलाएर प्रधानमन्त्रीले कलाकार भेटेपछि निर्माता तथा कलाकार दीपकराज गिरीलाई भने टाउको दुखेछ ।

गिरीले फेसबुकमै स्टाटस लेख्दै ‘एक झुन्ड पूराना पुस्ताका कलाकारहरूलाई  वालुवाटारले सल्लाह गर्न बोलाएछ, हाललाई हामिसँग भन्दा पनि गोबिन्द केसिको बिषयमा सल्लाह गरे राम्रो हुन्थ्यो कि?’ भनेर स्टाटस लेखे र गुनासो पोखे ।

हुनत, यो स्टाटसमा गिरीले डाक्टर केसी बारे चिन्ता व्यक्त गरेको देखाएका छन् । तर निर शाहदेखि संचिता लुइटेलसम्म भेटघाटका लागि पुगेका थिए । गिरीले एक झुन्ड पुराना पुस्ताका कलाकार भनेर उनीहरुको अपमान त गरेका होइनन् ? कि उनले दिनेश डीसीप्रतिको आफ्नो दुश्मनीलाई व्यङ्ग्य प्रहार गरेका हुन् ।

गिरिले पुराना पुस्ताका एक झुन्ड कलाकार भनेपछि उनलाई कमेन्टमा पुराना पुस्ताका कलाकारको सम्मान गर्न धेरैले आग्रह गरेका छन् ।
डीसीसँगको रिसलाई गोविन्द केसीसँग जोडेर गिरीले पुराना पुस्ताका कलाकारको अपमान गर्न खोजेको आरोप कमेन्टमा आफ्नो भनाई राख्नेहरुको छ । दिपकराज गिरी, आवेशमा पो आएका हुन् कि ?

२०७५ साउन ७ गते १२:३८ मा प्रकाशित

प्रतिक्रिया

One thought on “बालुवाटारमा कलाकार पुग्दा दीपकको टाउको दुख्यो

  1. यो समाचार को शीर्षक मिलेन दिपक राज गिरि ले यथार्थ कुरा गर्दा कुन पत्रकारको टाउको, मुटु कलेजो दुख्यो हौ।
    अब अर्को समाचार प्रकाशन गर्नुपर्यो ” दिपकको अभिव्यक्ती मा पत्रकारको टाउको दुखाइ ” शिर्षक को
    छ कसैमा हिम्मत????

Leave a Reply

Your email address will not be published. Required fields are marked *