‘सिंहदरबार २’ टिजर सार्वजनिक

अमेरिकी अन्तर्राष्ट्रिय सहयोग नियोग (युएस्एआईडी) को आर्थिक सहयोगमा सर्च फर कमन ग्राउण्ड र शुभ मिडिया होमले उत्पादन गरेको टेलिश्रृंखला ‘सिंहदरबार–२’ को टिजर सार्वजनिक भएको छ । टिजरमा गौरी मल्ल, प्रमोद अग्रहरी, रमेश रञ्जन झा,  हेमन्त चालिसे,  बादल भट्ट,  प्रकाश घिमिरे,  देशभक्त खनाल, आलोक थापा, प्रभात रिमाल, सबिना गोपाली, कृष्ण शिवाकोटी लगायतका कलाकारलाई देखाइएको छ । पहिलो सिजनको सफलतापछि निर्माण गरिएको दोस्रो सिजनको निर्देशन नवीन सुब्बाले गरेका छन् ।

समसामयिक राजनीतिक तथा सामाजिक विषयवस्तुमा केन्द्रित भएर निर्माण गरिएको सिंहदरबार २ ले सहकार्यात्मक नेतृत्व र सुशासनको माध्यमबाट नेपालमा कानुनी शासनको सुदृढिकरणमा जोड दिएको छ । साउनको दोस्रो सातादेखि नेपाल टेलिभिजनबाट प्रसारण हुने तयारीमा रहेको टेलिश्रृंखला ‘सिंहदरबार–२’ १३ भागको रहेको छ ।