फिल्म चलाउन शिल्पाले बिहे गर्नैपर्ने ?

विराङ्गना सिनेमाका निर्देशक राजबहादुर सानेलाई हिरो अनुप विक्रम शाहीले मतलब नै गरेनन् । पुरै सिनेमा नखिचिएको भन्दै अनुप विच्किएपछि डेढ करोड बजेटमा बनेको सिनेमाको प्रचार खासै हुन सकेको छैन ।
हिरोइन शिल्पा पोखरेलले पनि महत्वपूर्ण दृश्य नखिचिएको गुनासो गरिरहेकी छिन् ।

अनुपले बाल नदिएपछि अहिले शिल्पा र अनुपको एउटा तस्बिर सार्वजनिक गरिएको छ । अनुप बेहुला बनेका र शिल्पा बेहुली बनेको तस्बिर रिलिज भयो । अनुप र शिल्पा विराङ्गनामा बेहुला बेहुली बनेका छन् । हिरोइन शिल्पाको सिनेमा चल्दा उनको बिहेको कुरा जहिले आउँछ ।

छविराज ओझाले त सिनेमा चलाउन शिल्पासँग प्रेमदेखि बिहेको हल्ला चलाए चलाए । अब, निर्देशक राजबहादुर सानेले समेत शिल्पाको बिहे भएको खबर फैलाउन थालेका छन् । शिल्पा दुलही बन्ने वित्तिकै हलमा दर्शक ओइरिन्छन् भन्ने सोच छविराज ओझामा पनि देखियो, राजबहादुर सानेमा पनि ।

शिल्पा भने, सिनेमा चलाउनकै लागि कहिलेसम्म दुलही बनिरहने हुन् ?