सविन शाक्य चलचित्र पत्रकारिता पुरस्कार घोषणा

फिल्मीखवर साप्ताहिक पत्रिकाले स्व. सविन शाक्यको स्मृतिमा ‘सविन शाक्य चलचित्र पत्रकारिता पुरस्कार’ स्थापना गरेको छ । ३० बर्ष भन्दा बढी बिभिन्न सञ्चार माध्यममा काम गरेका सविन शाक्यले करिब २५ बर्ष चलचित्र पत्रकारिता गर्नुका साथै फिल्मीखवर साप्ताहिकमा नियमित रुपले संलग्न भई काम गरेका थिए ।

गत बर्ष असार २३ गते उनको निधन भएको थियो । शाक्यको निधन भएको बार्षिकी तथा प्रथम स्मृति दीवसका अवसरमा सम्झना तथा सम्मान स्वरुप पुरस्कारको घोषणा गरिएको फिल्मीखवर साप्ताहिकका प्रकाशक तथा सम्पादक शान्ति प्रियले बताए । उक्त पत्रकारिता पुरस्कार हरेक बर्ष फिल्मीखवरको बार्षिकोत्सवका अवसरमा प्रदान गरिने र पुरस्कारको राशी १०,०००। सहित प्रमाणपत्र प्रदान गरीने सम्पादकले जानकारी गराए ।