राजनीतिमा प्रवेश गर्दै रितेश देशमुख

बलिउड अभिनेता रितेश देशमुख राजनीतिमा प्रवेश गर्ने भएका छन् । उनी २०१९ मा हुने लोकसभा चुनावमा कांग्रेसको तर्फबाट प्रतिस्पर्धा गर्ने छन् । उनका बुवा विलासराव देशमुख महाराष्ट्रका पूर्व मुख्यमन्त्री थिए । बुबालाई पछ्याउदै उनी राजनीतिमा प्रवेश गर्न लागेका हुन् । यद्यपि, राजनीति प्रवेश बारे उनको औपचारिक प्रतिक्रिया भने आएको छैन । रितेश अहिले फिल्म ‘टोटल धमाल’ मा व्यस्त छन् । यो फिल्ममा उनी अनिल कपु, माधुरी दिक्षित र अजय देवगणसँग स्क्रिन सेयर गर्ने छन् । यसका अलावा उनी अक्षय कुमार र बबी देवलसँग ‘हाउसफुल ४’ मा पनि काम गर्दैर्छन् ।

मराठी फिल्ममा लोकप्रिय रहेका उनको राजनीतिमा प्रवेशलाई धेरैले चासोका साथ हेरिरहेका छन् । मराठी समुदायमा  उनको निकै ठूलो फ्यान फलोइङ छ । राजनीतिमा लागेर बाबुको उचाईलाई छुन सक्छन् वा सक्दैनन् चाहिँ भविष्यले नै बताउनेछ ।