सामाजिक संजाल प्रयोगकर्तालाई खुसीको खबर : ‘सोसल मिडिया फिल्म अवार्ड २०७५’ हुदै

‘कति झुन्डेको त्यो फोनमा ?’ ‘के गर्छौ होला तिमी फोन बिना ?’ सामाजिक संजालमा धेरै समय व्यतित गर्नु हुन्छ भने तपाईले पक्कै पनि यी कुराहरु सुन्दै आउनु भएको छ । ‘तेरो फोन आज चै नफुटाई छोड़ने छैन म’ घरमा अभिभावकले पनि भन्नु हुन्छ होला समय समयमा । तपाईलाई पनि लाग्दो हो म मेरो समय यसै खेर फाल्दै छु केहि त गर्न पर्यो । र कहिले काही त सोच्नु हुन्छ होला यो सामाजिक संजालमा एक्टिभ भए बापत केहि फाइदा हुने भए ! यो समय आएको छ ।

‘ड्रिम वर्ल्ड अफ फिल्म मेकर्स’ को आयोजनमा ‘सोसल मिडिया फिल्म अवार्ड २०७५’  हुने भएको छ । छोटो समयको सन्देशमूलक फिल्म निर्माण गरि सामाजिक सञ्जालमार्फत सार्वजनिक गर्दै आएका संघ-संस्था वा व्यक्तिलाई सम्मान गर्न अवार्डको आयोजना गरिएको हो ।

‘आजको युगमा सबै व्यक्तिहरुलाई स्वतन्त्र ढंगले आफ्नो अभिव्यक्ति सामाजिक सञ्जालमार्फत व्यक्त गर्ने संस्कार नै बनिसकेको देखिन्छ । सकारात्मक र सही सूचना दिने सामाजिक सञ्जालमा अपलोड गरेका फिल्महरु साह्रै मन छुने रहेको पनि पाइन्छ । यस्ता छोटो समयको फिल्म निर्माण गर्ने व्यक्ति एवम संस्थाहरुलाई हौसला र अवसर दिई उहाँहरुको सिर्जनालाई सम्मान गर्दै जनमानसमाझ ल्याउनको लागि यो अवार्डको स्थापना गरिएको हो।’ आयोजक संस्थाकी अध्यक्ष एवम् निर्देशक सवनम मुखियाले बताइन् । आवेदन दिन इच्छुकले ‘ड्रिम वर्ल्ड अफ फिल्म मेकर्स’को अफिसमा गइ आवेदन फारम भर्न सक्नेछन् । अनलाइनबाट पनि फारम भर्न मिल्ने व्यपस्था मिलाइएको आयोजक टिमले जनाएको छ ।

सामाजिक सञ्जाल निकट अवार्ड १६ विधामा प्रदान गरिनेछ ।
फिल्म
१: उत्कृष्ट डकुमेन्ट्री
२: उत्कृष्ट पिएसए
३: उत्कृष्ट छोटो फिल्म
४: उत्कृष्ट सिनिमेटोग्राफर
५: उत्कृष्ट सम्पादक
६: उत्कृष्ट महिला अभिनेत्री
७: उत्कृष्ट पुरुष अभिनेता
८: उत्कृष्ट निर्देशक

सोसल मिडिया
९: उत्कृष्ट सोसल मिडिया भिज्वल (फेसबुक इन्स्टाग्राम टुइटर)
१०: उत्कृष्ट युट्यूब भिडियोहरु
११: उत्कृष्ट चुनौतीपूर्ण समाचार
१२: उत्कृष्ट उत्साह दिने म्यूजिकल्ली
१३: उत्कृष्ट ट्रोल
१४: पब्लिक चोइस

   नगदसहित सम्मान
१५: सञ्चारकर्मी
१६: सोसल मिडिया एक्टिभिस्ट