अभिनेत्री सोफियाका पुर्व पति पक्राउ

भारतीय अभिनेत्री सोफिया हयातका पूर्व श्रीमान लण्डनस्थित एक परफ्युमको शोरुमबाट पक्राउ परेका छन् । सोफियाले आफ्ना पूर्व श्रीमानविरुद्ध मुद्दा दर्ता गरेकी थिइन् । सोफियाले पूर्व श्रीमानले धोका दिएको भन्दै उनीसँग नाता ताडेको र घर निकाला गरेको जानकारी सोसल मिडियामार्फत दिएकी थिइन् ।

उनले विवाहको केही महिना पछि नै श्रीमानलाई शैतान बताउँदै पूर्व श्रीमान भ्लाद पूर्ण रुपमा ऋणमा डुबेको र रकम असुल्नका लागि आफूलाई प्रयोग गरिरहेको बताएकी थिइन् । सोफियाले पुलिसमा मुद्दा दर्ता गरेपछि भ्लाद फरार भएका थिए । मोडलबाट भिक्षुणी बनेकी बिग बसकी पूर्व प्रतियोगी सोफियाले आफूभन्दा १० वर्ष कान्छा इन्टेरियर डिजाइनर भ्लादसँग गत वर्ष विवाह गरेकी थिइन् । सोफियाले तनावका कारण बच्चालाई जन्म अगावै गुमाएको जानकारी पनि दिएकी थिइन्  ।