रीमालाई केकीको धाप

अभिनेत्री रीमा विश्वकर्मा र केकी अधिकारी एकैपटक फिल्ममा आएका हुन् । स्वर फिल्ममा रीमा र केकीले काम गर्दा यी दुइले फिल्ममा तहल्का मच्चाउँछन् जस्तो देखिएको थियो । तर, रीमा र केकी मिल्ने साथी बनेपनि फिल्ममा भने दुई तरिकाले चले । केकी लोकप्रिय अभिनेत्री बन्दा रीमालाई काम पाउन नै मुश्किल भयो ।

रीमा अहिले रियालिटी शोको होस्ट गरेर दर्शकमाझ आइरहेकी छिन् भने केकी फिल्मको निर्मात्री नै बनिसकेकी छिन् ।

केकी र रीमा मिल्ने साथी भएकाले अहिले केकीले रीमालाई अघि बढाउन धाप मारेको देखिन्छ । कोहलपुर एक्सप्रेस फिल्ममा केकीले रीमालाई एउटै गीतमा भएपनि नृत्य गराइन् र केही मात्रामा भएपनि हिट बनाइन् । अहिले केकीले नै अभिनय गरिरहेको फिल्म सरकारी जागिरमा रीमाले काम गरेकी छिन् । केकीकै धापका कारण रीमाले सरकारी जागिरमा काम गरिरहेको वुझ्न सकिन्छ ।

केकी र रीमाको मित्रता पुरानो हो । अहिले, रीमालाई केकी धाप मारेर सँगै लैजादैछिन् ।