बर्षालाई चाहियो कंगना जसरी लगानी गर्ने निर्माता

- मेराेफिल्म

नेपालमा अभिनेत्रीलाई मुख्य भूमिका दिएर फिल्म बन्दैनन् । बनेपनि ती एकाध छन् । अभिनेत्रीमाथि लगानी गर्न निर्माता डराउँछन् । अभिनेत्रीको स्टारडम छैन भन्ने वुझाई निर्माताको होला ।

बलिउडमा भने अभिनेत्रीलाई नै सोलो भूमिकामा राखेर फिल्म बनेका छन् । अभिनेत्रीमाथि करोडौ लगानी गर्न निर्माता तयार छन् । अभिनेत्री बर्षा सिवाकोटीलाई पनि यो कुरा खड्किएछ । उनले, एउटा राम्रो अभिनेत्रीमाथि करोडौ रकम विश्वास गर्ने भन्दै अभिनेत्री कंगना रनावतलाई मणिकर्निकामा लगानी गर्ने निर्माताको प्रशंसा नै गरिन् । उनले नेपाली निर्मातासँग माफी चाहन्छु भनेर समेत ह्यास ट्याग लगाउन भ्याइन् ।

उनको भाव थियो, हिरोइनमाथि नेपाली निर्माताले लगानी गर्न नै सकेनन् । तर, नेपालमा अभिनय राम्रो गर्ने र कंगनाले गरे जस्तो भूमिकालाई निर्वाहा गर्न सक्ने अभिनेत्री कति होलान् ? निर्माताले त एउटै फिल्ममा ३–४ वटा भूमिका गर्नुपरेमा हिरोइन नै नपाएको भन्दै हिड्छन् । बर्षाले अभिनय गरेका फिल्म पनि दर्शकले हेरेका छन् । कंगनाले  जस्तो न त उनले फिल्मबाट उत्कृष्ट अभिनेत्रीको अवार्ड जितेकी छिन् न राष्ट्रिय अवार्ड नै ।

नेपालका निर्माताले हिरोइनमाथि लगानी गर्न नसकेको साचो कुरा हो । तर, पहिला आफू पनि अभिनय, स्टारडममा अब्बल बन्न पर्दैन र ? कंगनासँग तुलना गर्नुअघि आफ्नो कमजोरी पनि हेर्ने हो कि बर्षा जीले ?

२०७५ असोज १७ गते १५:५६ मा प्रकाशित

प्रतिक्रिया

Leave a Reply

Your email address will not be published. Required fields are marked *