ब्याचलर बन्टीलाई पछी सार्दै अनमोलको ‘क्याप्टेन’ फागुन १७ मा

Mero Film

नायक अनमोल केसीको मुख्य भुमिका रहने फिल्म ब्याचलर बन्टी निर्माण यूनिटले फिल्म छायाङ्कन पुर्व नै आफ्नो फिल्म रिलिज मिती फागुन १७ तय गरेका थिए । तर अनमोल केसीको ब्यस्तताले गर्दा पछाडी सरेको ब्याचलर बन्टीको रिलिज डेटमा अनमोलकै अर्को फिल्म ‘क्याप्टेन’ प्रदर्शनमा आउने भएको छ । यसअघि विभिन्न डेटमा फिल्म प्रदर्शनमा आउने चर्चा चलेतापनि क्याप्टेन निर्माण यूनिटले औपचारिक रिलिज मिति फागुन १७ गते तय गरेका हुन् ।

सुपर काजल फिल्म्सको ब्यानरमा अभिनेता भुवन केसीको निर्माण तथा दिवाकर भट्टराईको निर्देशन रहेको यस फिल्ममा अनमोलको अपोजिटमा प्रियंका एमभी र उपासना सिंह ठकुरी देखिने छन् । फिल्ममा सुनिल थापा, प्रशान्त ताम्राकार, विल्सन विक्रम राई लागायतका कलाकारहरुको मुख्य भुमिका रहेको छ । फिल्ममा अधिक मात्रामा भीएफएक्सको कार्य गर्नु पर्ने भएकाले फागुनमा रिलिज गर्न लागिएको निर्माण यूनिटले बताएका छन् ।


Leave a Reply

Your email address will not be published.