फिल्म ‘शुभ लभ’ र क्यूज हल बहिष्कार गर्ने चलचित्र पत्रकार संघको चेतावनी

- मेराेफिल्म

बुधवार राजधानीको कमलादीस्थित क्यूज सिनेमामा फिल्म शुभ लभको कार्यक्रमको दौरानमा फिल्म पत्रकार माथि भएको दुर्व्यवहारप्रति चलचित्र पत्रकार संघ नेपालले गम्भिर ध्यानाकर्षण भएको बताएको छ । संघले प्रेस विज्ञप्ति जारि गर्दै समाचार संकलनका क्रममा पुगेका पत्रकार तथा संघका सचिव समिर बलामीमाथि भएको घटनालाई समाचार सम्प्रेषणमा अवरोध साथै प्रेस स्वतन्त्रतामाथिको ठाडो हस्तक्षेप भनेको छ । ‘हलका कर्मचारीको यस्तो ज्यादतीप्रति संघ घोर निन्दासहित कडा शब्दमा भत्र्सना गर्दछ,’ विज्ञप्तिमा भनिएको छ ।

उक्त घटनाले समग्र चलचित्र पत्रकारलाई क्यूज सिनेमा हलमा आयोजना हुने र ‘शुभ लभ’ फिल्मले गर्ने प्रेसमिटमा सहभागि भएर रिपोर्टिङ गर्न असुरक्षित महसुस गराएको भन्दै क्यूज सिनेमा हल र ‘शुभ लभ’ फिल्मले अब उप्रान्त गर्ने प्रेसमिटहरुमा पत्रकारहरुको सुरक्षा प्रत्याभुतीको ग्यारेन्टी नहुँदासम्म संघसँग आवद्ध सम्पुर्ण चलचित्र पत्रकारहरु सहभागि हुन नसक्ने चेतावनी दिएको छ ।

यसै बिच फिल्म शुभ लभका प्रस्तुतकर्ता प्रदीप कुमार उदयले क्युज सिनेमामा शुभ लभ फिल्मको गीत सार्वजनिक कार्यक्रममा क्युज सिनेमाका कर्मचारीहरूबाट फिल्म पत्रकारहरु माथि भएको दुर्व्यवहार प्रति गम्भिर खेद छ भन्दै आफ्नो फिल्मको कार्यक्रममा भएको घटना प्रति सामाजिक संजाल मार्फत क्षमा मागेका छन् । क्युज सिनेमाले पनि सामाजिक संजालमा विज्ञप्ति राख्दै क्षमा मागेको छ । तर, दुवै पक्षबाट आधिकारिक धारणा नआउँदासम्म संघसँग आवद्ध सम्पुर्ण फिल्म पत्रकारहरुले शुभ लभ र क्युज हलका कार्यक्रममा सहभागि नहुने बताइएको छ ।

चलचित्र पत्रकार संघ नेपालले जारी गरेको विज्ञप्ति :

माघ ९ गते बुधबार काठमाडौं, कमलादीस्थित क्यूज सिनेमा हलमा उक्त हलका कर्मचारीबाट भएको दुव्र्यवहारप्रति चलचित्र पत्रकार संघ नेपालको गम्भिर ध्यानाकर्षण भएको छ ।

‘शुभ लभ’ फिल्मले आयोजना गरेको प्रेस मिटमा समाचार संकलानार्थ पुगेका पत्रकारमाथि दुव्र्यवहार हुँदा संघका सचिव बलामीले प्रतिवाद गरेका थिए । सोही क्रममा हलका कर्मचारीले उनीमाथि हातपात गर्नु समाचार सम्प्रेषणमा अवरोध साथै प्रेस स्वतन्त्रतामाथिको ठाडो हस्तक्षेप हो । हलका कर्मचारीको यस्तो ज्यादतीप्रति संघ घोर निन्दासहित कडा शब्दमा भत्र्सना गर्दछ ।

यस्तो ज्यादती भइसक्दासमेत कार्यक्रम आयोजक र सिनेमा हल मौन रहनु र गम्भिर चासो नदेखाउनुलाई संघले खेदजनक ठानेको छ । यसले समग्र चलचित्र पत्रकारलाई क्यूज सिनेमा हलमा आयोजना हुने र ‘शुभ लभ’ फिल्मले गर्ने प्रेसमिटमा सहभागि भएर रिपोर्टिङ गर्न असुरक्षित महसुस गराएको छ ।

यसर्थ क्यूज सिनेमा हल र ‘शुभ लभ’ फिल्मले अब उप्रान्त गर्ने प्रेसमिटहरुमा पत्रकारहरुको सुरक्षा प्रत्याभुतीको ग्यारेन्टी गर्ने गरि दुवै पक्षबाट आधिकारिक धारणा नआउँदासम्म यस संघसँग आवद्ध सम्पुर्ण चलचित्र पत्रकारहरु सहभागि हुन नसक्ने चेतावनी दिन चाहन्छौँ ।

साथै, संघसँग आवद्ध सम्पुर्ण चलचित्र पत्रकारहरुले पनि रिपोर्टिङका क्रममा संयमित र मर्यादित भएर आफ्नो व्यवसायिक धर्म निभाइरहनेमा संघ सधैँ विश्वस्त छ ।

२०७५ माघ १० गते १३:४१ मा प्रकाशित

प्रतिक्रिया

Leave a Reply

Your email address will not be published. Required fields are marked *