प्रचण्डकी नातिनीले गाइन् रेखा थापाको फिल्मको गीत

पुष्पकमल दाहाल (प्रचण्ड) की नातिनी स्मिता दाहालले अभिनेत्री रेखाले निर्माण गर्न लागेको नयाँ फिल्मको गीतमा स्वर दिएकी छिन् । बसन्त सापकोटाको शब्द तथा संगीत रहेको गीतमा स्मिता संगै प्रताप दासको पनि स्वर रहेको छ ।

सानै उमेर देखि गीत गाउने स्मिताका ‘मायालु तिमी कता छौं’, ‘कल्लाई थाछैन्’, ‘कमेरोले पोतेको’ जस्ता गीतहरु हिट छन् । ‘मायालु तिमी कता छौं’ गीत सुनेर नै रेखा थापा र बसन्त सापकोटाले स्मितालाई फिल्मको गीतमा आबद्ध गराएका हुन् ।

फिल्मको निर्देशन साविर श्रेष्ठले गर्नेछन् भने फिल्ममा रेखा थापा, सौगात मल्ल र दयाहाङ राईलाई मुख्य भूमिकामा देख्न सकिनेछ । फिल्मको छायांकन बैसाखबाट प्रारम्भ हुनेछ र फिल्म तिहारमा रिलिज गरिनेछ ।