यस कारण खोसियो ‘मिस नेपाल’ बाट ‘मिस युनिभर्स’

हिडन ट्रेजरले आयोजना गर्ने मिस नेपाल प्रतियोगिताका विजेता र उपविजेताहरुले विश्वभर हुने विभिन्न ५ ठुला सौन्दर्य प्रतियोगिताहरुमा नेपालको प्रतिनिधित्व गर्ने अवसर पाउने गरेका थिए । तर सन् २०२० को लागि भने हिडन ट्रेजरको तर्फ बाट ‘मिस युनिभर्स’ मा नेपालले प्रतिनिधित्व गर्न नपाउने भएको छ । यसरि खोसिनुको कारणबारे हिडन ट्रेजरले पनि अनविज्ञता जनाएको छ । ट्रेजरका निर्देशक दिवाकर राजकर्णिकारले आफुहरु नवीकरण प्रक्रियामा जानु अघिनै उनीहरुले यस वर्ष नेपाललाई नदिने भन्ने इमेल आएको बताए । उनले अर्को वर्ष फेरी पाउने आशा पनि ब्यक्त गरे ।

मिस नेपाल वर्ल्डले मिस वर्ल्ड, मिस नेपाल युनिभर्सले मिस युनिभर्स, मिस नेपाल इन्टरनेसनलले मिस इन्टरनेसनल, मिस नेपाल अर्थले मिस अर्थ र मिस नेपाल सुप्रानेसनलले मिस सुप्रानेसनललाई प्रतिनिधित्व गर्ने अवसर दिईन्थ्यो ।

यस्तो हुनसक्छ कारण :
‘मिस वर्ल्ड’ र ‘मिस युनिभर्स’ एक आपसमा प्रतिद्वन्दी इभेन्टहरु हुन् । मिस नेपालको तर्फबाट विजेता ‘मिस नेपाल’ ले ‘मिस वर्ल्ड’ र उपविजेता (फर्स्ट रनरअप) ले ‘मिस युनिभर्स’ मा भाग लिने गरेका थिए । अर्थात् मिस नेपालले पहिलो प्राथमिकतामा मिस वर्ल्डलाइ राखेको छ । यसरि विजेता को सट्टा उपविजेता पठाउने भएको कारणले नै ‘मिस युनिभर्स’ ले मिस नेपाललाइ अवसरबाट बन्चित गरेर मिस नेपालको विकल्प खोजेको पनि हुन सक्छ । साथै मिस इन्टरनेसनल, मिस अर्थ र मिस सुप्रानेसनलले पनि मिस नेपाल बाट हात झिकेर विकल्प खोज्न सक्ने सम्भावना छ ।