गेम अफ थ्रोनसका ‘टोरमन्ड’ लाई कोरोना संक्रमण

Mero Film

सिरिज ‘गेम अफ थ्रोनस’ का कलाकार टोरमन्ड अर्थात क्रिस्टोफर हेभजिउ कोरोना भाइरसबाट संक्रमित भएका छन् । स्वास्थ्यमा समस्या आएपछि परीक्षण गराउँदा कोरोना पोजेटिभ देखिएपछि अहिले नोर्वेस्थित परिवारका साथ सेल्फ–क्वारेन्टाइनमा बसिरहेका छन् । सामाजिक सञ्जालमा पोस्ट गर्दै उनले लेखेका छन्, “माफ पाउँ, आज परीक्षण गराउँदा कोरोना पोजेटिभ देखिएपछि अहिले घरमै परिवारका साथ सेल्फ–क्वारेन्टाइनमा बसिरहेको छु । मलाई हल्का चिसोको लक्षण मात्रै देखिएको थियो ।”

कोरोना देखिए पनि स्वास्थ्य राम्रो भएको उनले जानकारी दिए । तर यसको संक्रमणका कारण धेरै व्यक्तिको स्वास्थ्य अवस्था चिन्ताजनक भएको हुँदा सबैलाई सजग रहन आग्रह गरेका छन् । साथै उनले साबुनपानीले हात धुन र अरूबाट करिब १–५ मिटरको दूरी कायम राख्न पनि आग्रह गरेका छन् ।


Leave a Reply

Your email address will not be published.