‘प्रेम गीत ३’ टिमको रक्तदान , ३० पिन्ट रगत संकलन

Mero Film

 

 

फिल्म प्रेम गीत ३ टिमले मास्क वितरण पछि रगत दान गरेको छ । टिमका करिव ४०जनाको सहभागितामा अन्य बिरामीलाई अत्यावस्यक रहने रगत दिएका हुन् । चर्चाको लागि भन्दा पनि सहयोगको भावनाले रेडक्रससंगको सहकार्यमा ग्रिन सिटी अस्पतालको सहायोगमा उनीहरुले यो कदम उठाएका छन् ।लकडाउनको बेला चलचित्र प्रेमगीत ३ युनिटले ३० पिन्ट रगत संकलन गरेको छ।

फिल्मका मुख्य कलाकार प्रदीप खड्काले जीवन मै पहिलो पटक रगतदान गरेका छन् । रक्तचापको समस्याका कारण उनले अहिले सम्म यस प्रकारको सहयोग गर्न सकेका रहेनछन् । उनले कोरोनाको विषयमा सकारात्मक केही नभएको बताएका छन् । उनले घुमाएर पैसा भन्दा रगत ठुलो भएकोले यो कदममा साथ दिएको बताएका छन् । उनले मानसिक स्वास्थ्यमा परेको असरको विषयमा समत आवाज उठाएका छन् । उनले उक्त कार्यक्रम  समय भर आएका व्यक्तिहरुको ज्वरो नापेर सहयोग गरे ।

गीत अर्थात क्रिस्टिना गुरुङले भने रगत दिन पाईनन् । उनको ब्लडप्रेसर कम भएको कारण रगत दान गर्न नपाएकी हुन् । तर उनले आउने व्यक्तिहरुको फर्म भर्ने काम गर्दै सहायो गरेकी छन् ।

८,९ पटक रगतदान गरेका सन्तोष सेनले कोरोनासंगै अन्य बिरामीलाई ध्यानमा राख्दै यो कार्यक्रम आयोजना गरेको बताएका छन् । साथै यस पछि प्रसासनसंग समन्वय गरेर राहत वितरणको योजना रहेको बताउछन् ।

पहिलो पटक नै रक्तदान गरेकी गायिका प्रविशा अधिकारीले प्रेम गीत ३ टिमलाई आभार ब्यक्त गरिन् । घरमा बसेर खाना बनाउदै, वर्कआउट गर्दै सरसफाई गरेर समय बिताउन सकिने उनले पहिलो केही दिन भने कस्टका साथ बिताएकी थिइन् रे । घरको गेट सम्म नपुगेकी उनी पुण्य कामको लागि बाहिर निस्किएको बताईन् । अर्का कलाकार मनिष राउतले समेत पुण्य काम गर्न पाएकोमा खुसि ब्यक्त गरे ।
त्यस्तै प्रताप दासको समेत पहिलो पटक थियो यो क्षण । बिपतको समयमा संयम रहन दासले आग्रह गरे । टीमले कोरोना भाइरस (कोभिड–१९)को संक्रमणलाई मध्यनजर गर्दै ‘प्रेमगीत–३’ टिमले यसअघि ११ हजार मास्क वितरण गरेको थियो।


Leave a Reply

Your email address will not be published.