अभिषेक बच्चनले पनि जिते कोरोनालाई , डिस्चार्जको तयारी
बलिउड अभिनेता अभिषेक बच्चनले पनि कोरोनालाई जितेका छन् । उनको पछिल्लो कोरोना रिपोर्ट नेगेटिभ आएको छ । गत असार २७ गते पिता तथा अभिनेता अमिताभसँगै अस्पतालमा भर्ना भएका अभिषेकको झण्डै चार हप्ता पछि कारोना रिपोर्ट नेगेटिभ आएको हो ।
आज अभिनेता अभिषेकले सामाजिक सञ्जाल ट्वीटरमार्फत आफ्नो कोरोना रिपोर्ट नेगेटिभ आएको बताएका छन् । कोरोनालाई परास्त गर्न सफल भएको भन्दै सञ्जालमा नै खुसी व्यक्त गरेका छन् । अभिेषेकले आफ्नो कोरोना रिपोर्ट नेगोटिभ आएको र अस्पतालबाट आज भोली नै डिस्चार्ज गर्ने तयारी भएको बताए ।
अभिषेकले लेखेका छन् , ‘प्रोमिस भनेको प्रमिस हो । आज दिउँसो मेरो कोरोना रिपोर्ट नेगेटिभ आएको छ । मैले भनेको थिएँ नि मैले यसलाई हराउछु । म र मेरो परिवारको लागी तपाईको सबै प्रार्थनाका लागि धन्यबाद । नानावटी अस्पतालका डाक्टरहरू र नर्सिङ स्टाफहरुलाई धेरै धेरै धन्यवाद ।’
उनको परिवारका चार तीन सदस्य अमिताभ बच्चन, अभिनेत्री ऐश्वर्या राय बच्चन र आराध्या बच्चनले कोरोनालाई जितेर घर फर्किसकेका छन् । तर अभिषेकको कोरोना रिपोर्ट ढिलो आएका कारण उनी मात्र अस्पतालमा बस्दै आएका थिए । मन भुलाउनका लागि बेला बेला अस्पताल वरपरका तस्विर खिचेर सामाजिक सञ्जालमा पोष्ट गर्दै आएका थिए । बेला बेला आफ्नो स्वास्थ्यबारे सबैलाई जानकारी दिदैँ पनि आएका थिए ।
A promise is a promise!
This afternoon I tested Covid-19 NEGATIVE!!! I told you guys I’d beat this. ?? thank you all for your prayers for me and my family. My eternal gratitude to the doctors and nursing staff at Nanavati hospital for all that they have done. ?? THANK YOU!— Abhishek Bachchan (@juniorbachchan) August 8, 2020
प्रतिक्रिया