लोकगायक प्रेमराजा महत दम्पतीले जिते कोरोना

अमेरिकामा बस्दै आएका लोकगायक प्रेमराजा महत र उनकी पत्नी कविता महत कोरोना संक्रमणबाट मुक्त भएका छन् । उनले सामाजिक सञ्जालमार्फत दुवैजनाले कोरोनालाई परास्त गर्न सफल भएको बताएका छन् । गत अगस्त ७ मा आफू र श्रीमती कवितालाई कोरोना संक्रमण भएको जानकारी गराएका थिए ।

महतले सबैको आशिर्वाद र माया प्रेमले आफूहरुमा हिम्मत बढाएको र त्यसैको साहसको काररण कोरोनालाई परास्त गर्ने सफलता मिलेको बताएका छन् । गायक महत मेरिल्याण्ड र पेनसेलभेनियाका लागि महावाणिज्यदूतसमेत रहेका छन् । संक्रमणमुक्त भएपछि महतले कोरोनालाई सानो रोग नमान्न तथा ठूलो हो भनेर नडराउन पनि आग्रह गरेका छन् । उनीहरुलाई आफ्नै छोरा डा. सरगम महतको निरीक्षण र निगरानीमा घरमा नै बसेका थिए ।