‘अदालतभन्दा अगाडि बढेर कसैलाई दोषी ठहराउनु उपयुक्त होइन’ – तापसी पन्नू

बलिउड अभिनेता सुशान्तसिंह राजपुत आत्महत्याको विषयमा कलाकारहरु विस्तारै बोल्न थालेका छन् । उनको निधनको अढाई महिनापछि अभिनेत्री तापसी पन्नूले आफ्नो धारणा सार्वजनिक गरेकी छन् ।

उनले आफूले व्यक्तिगत रुपमा सुशान्तसिंह र रियालाई नचिन्ने बताएकी छन् । उनले सामाजिक सञ्जालमा र मिडियाले हल्ला बढि फिजाँएको भन्दै असन्तुष्टि व्यक्त गरेकी छन् । उनले मिडिया तथा सामाजिक सञ्जालले आरोप लागेकै भरमा अपराध जस्तै हेरेको बताएकी छन् । उनले कसैलाई आरोप लागेकै भरमा दोषी ठहर गर्नु, अनुमान लगाउनु गलत भएको बताएकी छन् । तापसीले कानूनमाथि भरोसा गर्नुपर्ने उनको भनाई छ ।

उनले ट्वीटरमा लेख्छिन् – ‘म सुशान्तलाई व्यक्तिगत रुपमा चिन्दिन । न त रियालाई नै चिन्छु । तर, म यति जान्दछु कि एक मानव हुनुको नाताले अदालतभन्दा अगाडि बढेर कसैलाई दोषी ठहराउनु उपयुक्त होइन। तपाईंको विवेक र मृतकको पवित्रताको लागि भए पनि कानूनमाथि भरोसा गर्नुस् ।’

I didn’t know Sushant on a personal level nor do I know Rhea but what I know is, it only takes to be a human to understand how wrong it is to overtake judiciary to convict someone who isn’t proven guilty. Trust the law of the land for your sanity and the deceased’s sanctity ?? https://t.co/gmd6GVMNjc

— taapsee pannu (@taapsee) August 30, 2020