बिदेशिएका युवावर्गको पिडा दसैँ तिहारको मार्मिक गीत ‘बाटो हेरी नरौ है आमा’ सार्वजनिक

Mero Film

बिदेशिएका युवावर्गको पिडालाई गहकिलो ढंगले प्रस्तुत गरिएको गीतको भिडियो दीपिका म्युजिकको अफिशियल च्यानलबाट सार्वजनिक भएको छ । कोरोना कहरका कारण स्वदेश फर्कन नसकेका कामदारको मर्मस्पर्शी अति नै मार्मिक यस गीतका गायक बद्री पंगेनी हुन् ।

साच्चै नै आमा र सन्तान बीचको गहिरो र आत्मिय सम्बन्ध र आफ्नो गाउँ, घरको सम्झनाले न्यास्रो लाग्ने तथ्यलाई भावुक एवं सांगीतिक रुपमा प्रस्तुत गरिएको भिडियो गत हप्तामात्र सार्वजनिक भएको ‘मेरो नशा नशामा तिमि…’ बोलको भिडियोबाट चर्चा बटुलिरहेका युवा निर्देशक क्रान्ति के.सी.ले निर्देशन, सम्पादन गर्नुभएको हो । यसमा निराजन के.सी.को सह–निर्देशन रहेको छ ।

चाडपर्व नजिकिदै गर्दा घरबाट टाढा रहेका र घर फर्कन असमर्थ नेपालीहरुको आँखा रसाउँने छन् ‘बाटो हेरी नरौ है आमा…’ बोलको भिडियो हेर्दा । दिपक कँडेलको शब्द, गणेश अधिकारीको संगीत, अजय रेग्मीको छायांकन रहेको भिडियोमा बद्री पंगेनीलाई अभिनयमा सुलोचना भडेल, मनिषा लोकन्द्री आदिले साथ दिएका छन् ।


Leave a Reply

Your email address will not be published.