हिन्दी सिरियल ‘अलादिन : नाम तो सुना होगा’मा निरिषा बस्नेत

- मेराेफिल्म

अभिनेत्री निरिषा बस्नेतले हिन्दी सिरियलमा आउन थालेकी छन्। सिरियल ‘चन्द्र नन्दिनी’ मा मुख्य भूमिकामा अभिनय गरिसकेकी निरिषाले सोनी सब टिभीबाट प्रशारण हुन लागेको सिरियल ‘अलादिन : नाम तो सुना होगा’ मा अभिनय गर्ने भएकी छन् ।

जसका लागि उनी अनुबन्ध भएकी छन् । अहिले यो सिरियलको छायांकन भइरहेको छ । उनी यो सिरियलमा खलनायकको भुमिकामा देखिन लागेकी छन्। उनी भन्छिन्, ‘म ‘अलादिन’ को हिस्सा बन्न पाएकोमा एकदमै खुसी छु । यसमा मैले नकारात्मक चरित्र निभाएकी छु र अलादिनको जीवनमा धेरै अवरोधहरू सृजना गर्नेछु ।’ यो सिरियलमा सिद्धार्थ निगम, आशी सिंह, स्मिता बन्सललगायतको पनि अभिनय रहेको छ ।
लकडाउनको समयमा उनले हिन्दी सिरियल ‘तेनाली रामा’ मा केमियो भूमिका निभाएकी थिइन् । चिनियाँ युवतीको भूमिकामा उनको अभिनयको भारतीयसँगै नेपाली दर्शकले पनि मुक्तकण्ठले प्रशंसा गरेको थिए । उनले दुइ वर्ष अघि नेपाली फिल्म ‘जानी नजानी’ बाट अभिनेत्रीको रुपमा डेब्यू गरेकी थिइन् । जुन फिल्मले दर्शकको मन जित्न सकेन भने आर्थिक रुपमा पनि कमजोर भयो।

 

२०७७ पुष २९ गते ९:१७ मा प्रकाशित

प्रतिक्रिया

Leave a Reply

Your email address will not be published. Required fields are marked *