अष्ट्रेलियाबाट आयो राजुको निर्देशन र अभिनयमा ‘डन’

नेपाली म्यूजिक भिडियो निर्माणको क्षेत्रमा नेपाल बाहिर बस्ने नेपालीको योगदान उच्च रहदै आएको छ । नेपाल बाहिर बस्ने धेरै नेपालीहरुले पछिल्लो समय गुणस्तरीय म्यूजिक भिडियोहरु निर्माण गरिरहेका छन ।

यसै मध्येका एक हुन् राजु कान , अष्ट्रेलियामा रहेर धेरै गीतहरुमा मोडलिङ र निर्देशन गरिसकेका राजुको निर्देशन र अभिनयमा  ‘डन’ गीतको  म्युजिक भिडियो सार्वजनिक भएको छ । लोकप्रिय गायकहरु  सशान कंडेल र बिनय कार्कीको स्वर रहेको गीत ‘डन’ मा महेश ज्ञवालीको शब्द र संगीत संगीत रहेको छ  । गीतको भिडियोमा राजु कान, देव नेपाली ,प्रतिभा महर्जन र हिलारी रावलको  अभिनय रहेको छ  अष्ट्रेलियामै छायांकन गरिएको गीतको भिडियोमा कृष्ण सुबेदीको सिनेमाटोग्राफी , विकास दाहालको  सम्पादन रहेको छ ।

भिडियोलाई नयाँ नेपाली वर्ष २०७८को अवसर पारेर ब्ल्याक आइ क्रियसन  ( Black Eye Creation) को अफिसियल च्यानलबाट सार्वजनिक गरिएको हो ।  ‘डन’ को भिडियो निर्माणमा  एबीसी ग्लोबल एजुकेसन कन्सलटेन्सीले सपोर्ट रहेको छ ।