चलचित्र पत्रकार संघको कल्याणकारी कोषलाई ‘श्री’को २५ हजार

- मेराेफिल्म

निर्देशक एभरेष्ट सुर्य बोहराको फिल्म ‘श्री’ दोस्रो हप्तामा प्रवेश गरेको उपलक्ष्यमा चलचित्र पत्रकार संघ नेपालको कल्याणकारी कोष अभियानमा २५ हजार एक सय पाँच रुपैंया सहयोग गरेको छ । हिजो राजधानीको बानेश्वरस्थित वान सिनेमाजमा विशेष शोको आयोजना गर्दै निर्मात्री सविता गुरुङ र वितरक करण श्रेष्ठले चलचित्र पत्रकार संघ नेपालको कल्याकारी कोषको उक्त रकम सहयोग प्रदान गरेका हुन् ।


कार्यक्रममा संघका तर्फबाट अध्यक्ष दिनेश सिटौला, उपाध्यक्ष जीवन पराजुली, महासचिव समीर बलामी, कोषाध्यक्ष प्रदिप कार्की, सचिव रघुनाथ सापकोटा,सचिव बिशाल राई, कार्यसमिति सदस्य आशिष ओली र कार्यसमिति सदस्य सृस्टि पोखरेलको उपस्थिति रहेको थियो भने फिल्म ‘श्री’का तर्फबाट निर्मात्री सविता गुरुङ, वितरक करण श्रेष्ठ, कलाकार सन्दीप क्षेत्री, भोला सापकोटा लगायत उपस्थित भएका थिए ।

चलचित्र पत्रकार संघलाई रकम हस्तान्तरण गर्दै फिल्म निर्मात्री सविता गुरुङले चलचित्र पत्रकारहरुको कारण कोरानाकै बीचमा फिल्म ‘श्री’को प्रचार प्रसारमा सहयोग पुगेको भन्दै कल्याणकारी कोषमा थोरै रकम भएपनि सहयोग गरेको बताइन् । पत्रकारका कारण नै फिल्मले दोस्रो हप्तामा प्रदर्शन हुन सकेको सविताले बताईन् । यस्तै फिल्म वितरक करण श्रेष्ठले फिल्म ‘श्री’ ले अहिलेको अवस्थामा पनि काठमाडौंबाटै ७ लाख बढि व्यापार गरेको र ‘श्री’ ले केही हदसम्म भएपनि हलमा दर्शकको चहलपहल बढाएको दावी गरे ।
चलचित्र पत्रकार संघ नेपालले आगामी जेष्ठ ७ गते २० लाख रकम सहितको कल्याणकारी कोष घोषणा गर्ने तयारीमा छ । हालसम्म कल्याणकारी कोषमा निर्माता तथा प्रदर्शक सुमित मैनालीले ५१ हजार र निर्देशक जनकदीप पराजुलीले २५ हजार ५ सय सहयोग गर्ने यस अघि नै घोषणा गरिसकेका छन् । सहयोग जुट्ने क्रम जारी रहेको संघका अध्यक्ष सिटौलाले बताएका छन् ।

२०७८ वैशाख ४ गते १०:३४ मा प्रकाशित

प्रतिक्रिया

Leave a Reply

Your email address will not be published. Required fields are marked *