कलाकार ‘धतुरे’को समुहले गर्यो कार्की परिवारलाई सहयोग

- मेराेफिल्म

केहि दिन अघि एक भिडियो एकाएक भाइरल बन्यो । घरमा खाना अन्न सकियो कतैबाट आउने ठाउँ छैन । रोगले भन्दा पनि भोगले मर्ने भइयो भन्दै एक छोरी र उनका बा सडकमा चित्कारले धेरैको मन छोएको थियो । उनीहरु थिए राजधानीको बागबजारमा कष्टकर जीवन बिताइरहेका दोलखा शैलुङका डिल्लीबहादुर कार्की र उनी छोरी ।

उनीहरुलाई हास्य कलाकार तथा निर्देशक सिपी पुडासैनी ‘धतुरे’को समूहले आर्थिक तथा खाद्यान्न सहयोग गरेका छन् । उनीहरुले बागबजार नै पुगेर आर्थिक तथा खाद्यान्न सहयोग गरेका हुन् । कार्कीको करिब एक वर्षअघि रुखबाट लडेपछि शरीरको आधा भाग चल्न सकेको छैन । उनकी कान्छी छोरीले जागिरबाट कमाएको साढे ८ हजकारको कमाईले धान्दै आएको र निषेधाज्ञाले जागिर छुटेपछि आर्थिक संकटमा परेको भिडियोमा उल्लेख गरेका थिए । कलाकार पुडासैनीले सामाजिक सञ्जाल फेसबुकमा केही तस्वीर राख्दै आफु र आफ्नो समुहले केहि आर्थिक सहयोग गरेको उल्लेख गरेका छन् ।

उनले लेखेका छन्,‘अन्ततः हिजो सामाजिक सञ्जालमा भेटिएका डिल्लीबहादुर कार्की र उहाँको परिवारसँग आज भेट्ने अवसर मिल्यो । दोलखा शैलुङ निवासी उहाँ एक वर्षअघि रुखबाट सेउला झार्ने क्रममा लडेर आधा शरिर नचल्ने हुनु भएको रहेछ । कोरोना महामारीको पीडा र भएभरको सम्पत्ति आफ्नो उपचारमा सक्नु भएका अति नै विपन्न उहाँलाई म, अशोक खड्का तथा उत्तम खड्का उपस्थित भई २५,००० रुपैयाँ नगद, दुई बोरा चामल लगायतका खाद्यान्न सहयोग गरेको छौं ।’

२०७८ जेठ ४ गते १०:५३ मा प्रकाशित

प्रतिक्रिया

Leave a Reply

Your email address will not be published. Required fields are marked *