१५ करोड पटक हेरिने पहिलो नेपाली कीर्तिमानी गीत ‘कुटुमा कुटु’

- मेराेफिल्म

नेपाली फिल्म ‘२ रुपैयाँ’को गीत ‘कुटमा कुटु…’ले भिडियो साझेदारी साइट युट्युवमा सर्वाधिक पटक हेरिने नेपाली गीतको कीर्तिमान राखेको छ ।

युटुब नेपालमा चर्चामा आएसँगै गीतसंगीतको सफलताको मापन यही प्लेटफर्म बन्ने गरेको छ । हिजोआज, गीतको युटुब भ्यूजको आधारमा त्यसको सफलताको मापन गरिन्छ । दर्शक तथा श्रोताले रुचाएका गीतले छोटो समयमा करोडौ भ्यूज पाउने गरेका छन् ।

२०१७ को मे २८ मा रिलिज ‘कुटुमा कुटु’ बोलको गीतले भ्यूजको रफ्तारलाई छाडेको छैन । यो समाचार तयारी गर्दा सम्म १५ करोड एक लाख ९० हजार एक सय ४९ पटक यसलाई हेरिएको छ । नेपाली र गैरनेपाली दर्शक तथा श्रोताबीच पनि लोकप्रिय बनेको यो गीतमा राजनराज शिवाकोटीले संगीत भरेका हुन् । १५ करोड पटक भन्दा बढी हेरिने यो पहिलो नेपाली गीत हो ।

यो गीतमा राजनराज, राजन इशान र मेलिना राइले स्वर भरेका छन् । भिडियोमा नायिका स्वस्तिमा खड्का, निश्चल बस्नेत र असिफ शाहको नृत्य छ ।

‘कुटुमा कुटु’ गीतका विदेशी भर्सन पनि रिलिज भएका थिए । आज पनि विभिन्न कार्यक्रमदेखि टीकटक लगायतका सामाजिक सञ्जालमा हिट बनेको यो गीतमा टन्नै कभर गीत पनि निर्माण भएका थिए ।

दोस्रो स्थानमा टीका प्रसाइँले गाएको ‘माया लुकलुकी’ छ जसलाई १० करोड ६० लाखभन्दा बढी पटक हेरिएको छ । अहिलेसम्म युट्युवमा १० करोडभन्दा बढी पटक हेरिएका यी दुई गीत हुन् ।

यी हुन सर्वाधिक हेरिएका १० नेपाली गीत (समाचार तयारी गर्दा सम्म तथ्यांक)

१) कुटुमा कुटु- १५ करोड १ एक लाख ९० हजार ४९
२) माया लुकुलुकी- १० करोड ६१ लाख १० हजार ३ सय ४६
३) पिरिम नलाउने- ७ करोड ८२ लाख ८६ हजार १ सय २७
४) साली मन पर्‍यो- ७ करोड ४१ लाख ४३ हजार १ सय ५९
५) सालको पात टपरी- ६ करोड ९८ लाख ५४ हजार १ सय ९९
६) गोजीमा दाम छैन- ६ करोड ९६ लाख ४३ हजार ६ सय १०
७) नाच फिरिरी- ६ करोड ८८ लाख ६२ हजार ८ सय १५
८) माया बिरानी- ६ करोड ५७ लाख ६९ हजार १ सय ५९
९) कसरी कसरी (२)- ६ करोड ३८ लाख ३ हजार ५ सय ३४
१०) फुलबुट्टे सारी- ५ करोड ७२ लाख ८७ हजार २ सय ५४

२०७८ जेठ १९ गते १५:१९ मा प्रकाशित

प्रतिक्रिया

Leave a Reply

Your email address will not be published. Required fields are marked *