मेरो व्यक्तित्वलाई नै आँच पुर्याउने गरि प्रतिक्रिया दिन पाइन्नँः करिश्मा

Mero Film

नायिका करिश्मा मानन्धरले आफ्नो व्यक्तित्वलाई नै आँच पुर्याउने गरि प्रतिक्रिया दिनेहरुमाथि कानुनी कारवाही खोज्ने बताएकी छिन् । विशेषगरि, नेकपा एमाले पार्टीले स्थानीय निकायको निर्वाचनमा पराजय भोगेपछि यसको दोष करिश्मालाई दिदै सामाजिक संजालमा भद्दा कमेन्टहरु आएका छन् ।

यो बिषयमा करिश्माले भनिन्–‘म सधै नै दर्शकले दिनुभएको प्रतिक्रियालाई हेरेर अगाडि बढ्ने मानिस हुँ । फिल्म क्षेत्रमा लागेको ४ दशकमा मैले भोक प्यास नभनी एउटा स्थान बनाएको छु । उक्त स्थान र व्यक्तित्वलाई नै आँच पुर्याउने गरि प्रतिक्रिया दिने पाइदैन ।’

करिश्माले कसैलाई मानसिक रुपमा नै पीडा दिन नपाइने बताइन् । कतिपय शब्दहरु त आफूलाई पनि थाहा नभएको भन्दै करिश्माले साइबर ब्यूरोमा गएर नै यो बिषयमा वुझ्ने बताएकी छिन् ।

नेपाली फिल्म क्षेत्रमा ४ दशक बिताएकी करिश्माले केही समय अगाडिदेखि राजनीतिक यात्रा सुरु गरेकी थिइन् । राजनीतिक यात्रा सुरु गरेपछि करिश्मामाथि मद्दा प्रतिक्रिया आउने गरेका छन् ।


Leave a Reply

Your email address will not be published.