‘जेरी २’ र अनमोलको बारे के भन्छिन् निती ?

Mero Film

मोडल निती शाह चाडै नै फिल्ममा देखिने तयारीमा छन् । यसका लागि नितीले केही फिल्मको कथा पढिरहेका उनको म्यानेजर निराजन गिरीले जानकारी दिए ।

निती पनि आफू फिल्ममा आउनका लागि उत्साहित रहेको बताउँछिन् । बिहिबार बौद्धमा संचालनमा आएको रेड मड कफीको नयाँ शाखाको उद्घाटन गर्दै नितीले आफू फिल्ममा आउनका लागि तयारी गरिरहेको बताइन् । उनले भनिन्–‘दर्शकको अपेक्षालाई कमजोर बन्न दिनु हुँदैन । यसैले, काम गर्ने भनेर हाम फालिहाल्न पनि भएन । म तयारी गर्दैछु ।’

उनले, आफूलाई ‘जेरी २’ फिल्मबाट अफर नआएको पनि बताइन् । तर, अफर आएको खण्डमा यो फिल्ममा काम गर्न आफू तयार रहेको नितीको भनाई छ ।

नितीले नायक अनमोल केसीको बानी व्यहोरा आफूलाई मनपर्ने बताइन् । भनिन्–‘अनमोल केसी र म एउटै स्कुलमा पढेका हौं । यसैले, उनलाई म राम्रोसँग चिन्छु । उनको नरम बानी मलाई मनपर्छ । साथै, उनले आफ्नो लागि छुट्टै स्पेश समेत बनाएका छन् ।’

केही समय अगाडि नितीले अनमोलसँग फिल्म खेल्नका लागि नायक तथा निर्माता भूवन केसीलाई फोन गरेको खबर सार्वजनिक भएको थियो ।


Leave a Reply

Your email address will not be published.