‘छड्के २’को वर्कशपमा अनमोल

Mero Film

नायक अनमोल केसी विगत केही हप्तादेखि चितवनमा फिल्म ‘छड्के २’को वर्कशपमा व्यस्त छन् । निर्माणपक्षले अनमोलको वर्कशपको तस्वीर सार्वजनिक गरेको छ, जसमा उनी फरक लुक्समा देखिएका छन् । तर, अनमोलले सार्वजनिक भएको तस्वीर नै आफ्नो फिल्मको गेटअप नभएको बताएका छन् । उनले, यसपटक आफ्नो गेटअपले सबैलाई अचम्मित बनाउने दाबी समेत गरे ।

निगम श्रेष्ठको लेखन तथा निर्देशनमा तयार हुने यो फिल्ममा प्रशान्त गिरी र लक्ष्मण काफ्लेको लगानी रहनेछ । फिल्मलाई काभ्रे फिल्मस्को ब्यानरमा निर्माण गर्न लागिएको हो । जसमा, अनमोलको अलवा रविन तामाङ्ग, कमलमणी नेपाल लगायतका कलाकारको मुख्य भूमिका छ ।

फिल्मकी मुख्य नायिका भने सार्वजनिक गरिएको छैन । फिल्मको छायांकन भदौको १ गतेबाट सुरु हुने निर्माता प्रशान्त गिरीले जानकारी दिए । उनको अनुसार, ६० दिन लगाएर फिल्म खिचिनेछ ।


Leave a Reply

Your email address will not be published.