स्मारिका र पुष्प भन्दैछन् ‘हेल्लो हाई डार्लिङ’

नायक पुष्प खड्का फेरि म्युजिक भिडियोमा व्यस्त हुन थालेका छन् । उनले, मोडल स्मारिका ढकालसँग मिलेर काम गरेको ‘हेल्लो हाई डार्लिङ’ बोलको गीतको भिडियो सार्वजनिक भएको छ । यो गीतमा बुद्धिमान विश्व र गायिका मिलन नेवारको स्वर, राजन पोखरेलको शब्द तथा निरोज लामाको संगीत छ ।

डान्सिङ गीतको भिडियोमा पुष्प र स्मारिकाको प्रेमभावलाई प्रस्तुत गरिएको छ । यी दुईले नृत्यसँगै मायामा परेको जोडीको भावलाई गीत मार्फत प्रस्तुत गरेका छन् । सार्वजनिक गीतको भिडियोलाई निकेश खड्काले निर्देशन गरेका छन् । गीतलाई कल्पना तामाङले निर्माण गरेकी हुन् ।

यसमा बुद्ध लामाको छायांकन , निम बाबु तामाङको कोरियोग्राफी , विकाश धमलाको सम्पादन छ ।