‘प्रेमगीत ३’ हिन्दी अब भारतीय फिल्म, विदेशी फिल्म सरह नेपालमा सेन्सर अनुमति

Mero Film

चलचित्र विकास बोर्डले हिन्दी भर्सनमा तयार भएको फिल्म ‘प्रेमगीत ३’लाई विदेशी फिल्म सरह सेन्सरका लागि अनुमति दिएको छ । यसको निर्माणपक्षले सम्पूर्ण कागजात पेश गरेपछि फिल्मलाई हिन्दी सेन्सरका लागि अनुमति दिइएको हो ।

चलचित्र विकास बोर्डले नेपालबाट डबिङका लागि अनुमति नै नलिएको, हिन्दी भर्सनमा तयार भएको भन्दै हिन्दी भर्सनको फिल्मलाई नेपाली फिल्म सरह सुविधा दिन नसकिने अडान लिदै आएको थियो । यहीकारणले, चलचित्र विकास बोर्डका अध्यक्ष भूवन केसीले सामाजिक संजालमा गाली पनि खाए ।

तर, नेपाली फिल्म सरह सुविधा दिन नहुने अडानबाट उनी पछि हटेनन् । जसकाकारण, यो फिल्मका वितरक र निर्माताले १५ प्रतिशत विकास शुल्क तिर्नुपर्ने भएको छ । साथै, भारतबाट नेपाल फिल्म ल्याउँदा तिर्नुपर्ने २० हजार भन्सार शुल्क पनि वितरकले तिरेका छन् ।

यसले नेपाली फिल्म क्षेत्रमा आगामी दिनमा थिती समेत बसेको छ । विकास बोर्डका अध्यक्ष भुवन केसीको अडानका कारण आगामी दिनमा हिन्दी भाषामा डब हुने नेपाली फिल्म विदेशी फिल्म सरह नेपालमा रिलिज हुने नियम समेत बसेको छ । संभवत, अब यो विवाद आगामी दिनमा निस्कने छैन ।

यो फिल्मको हिन्दी डब नेपालमा रिलिज हुन्छ या हुँदैन भन्ने अन्यौलका कारण थुप्रै मल्टिप्लेक्सले शोज समेत उपलब्ध गराउन सकेका थिएनन् । उनीहरुले, हिन्दी भर्सनका लागि समय रोकेर राखेका थिए ।


Leave a Reply

Your email address will not be published.