छायांकार सौरभ लामाको फेसबुक ह्याक गरेर पैसा मागिदै

Mero Film

नेपाली फिल्मका चर्चित छायांकार सौरभ लामाको फेसबुक ह्याक भएको छ । फेसबुक ह्याक गरेर पैसा माग्ने काम गर्न थालेपछि आफू तनावमा रहेको सौरभले मेरो फिल्मलाई जानकारी दिए । उनको फेसबुक गएराती १२ बजेबाट ह्याक भएको हो । ह्याकरले सौरभको फेसबुकमा रहेका धेरै मानिसलाई म्यासेज गर्दै पैसा मागिरहेका छन् । कतिपयले त पैसा समेत पठाएको सौरभले जानकारी दिए ।

आफूले साइबर ब्यूरोमा उजुरी दिइसकेको सौरभले बताए । तर, दशैंका कारण साइबर ब्यूृरोमा पनि जनशक्तिको अभाव रहेको उनले सुनाए ।

उनले, आफ्नो फेसबुकबाट कसैले म्यासेज गरेर पैसा मागेको खण्डमा अस्विकार गर्न सबैसँग आग्रह गरेका छन् ।

सौरभले भने–‘गएरातीदेखि मानसिक तनाव भैरहेको छ । कसले किन ह्याक गरेको हो भन्ने थाहा छैन । तर, सबैसँग पैसा माग्ने काम भैरहेको थाहा पाएँ ।’


Leave a Reply

Your email address will not be published.