तस्वीरमा हेर्नुहोस् सेलिब्रिटीको भाइटिका

आज तिहारको अन्तिम दिन, भाईटिका । भाईटिकाको अवसर पारेर नेपाली फिल्मका थुप्रै सेलिब्रिटीहरुले टिका लगाएका छन् । आफ्ना दाजुभाई तथा दिदीबहिनीसँग टिका लगाउने र टिका लगाइदिने गर्दै उनीहरुले भाईटिका धुमधामसँग मनाएका हुन् । नायक अनमोल केसीले आफ्नी काकाकी छोरी प्रिन्सु केसीसँग सिनामंगलमा टिका लगाए । अनमोलकी दिदी काजोल अमेरिकामा छिन् भने अर्की बहिनी रुबि अष्ट्रेलियामा रहेकाले अनमोलले प्रिन्सुसँग मात्र टिका लगाएका हुन् ।

नायिका पूजा शर्माले अभिषेक श्रेष्ठलाई टिका लगाइदिइन् । अभिषेकलाई भाई बनाएर पूजाले टिका लगाउँदै आएको ४ बर्ष भयो । कैलालीमा घर भएपनि नायक पुष्प खड्काले आफ्ना दिदीबहिनीसँग काठमाडौंमा नै टिका लगाएका छन् ।

नायिका केकी अधिकारीको बिहे पछिको पहिलो भाइटिका रमाइलो भएको वुझ्न सकिन्छ । यस्तै, नायिकाहरु वर्षा राउत, वर्षा सिवाकोटी, अनु शाह लगायतले पनि आफ्ना दाजुभाइलाई टिका लगाइदिएका छन् । निर्देशक दीपाश्री निरौलाले विराटनगर पुगेर आफ्ना दाजुभाईलाई टिका लगाइदिइन् । यस्तै, कलाकार दीपकराज गिरीले पनि आफ्ना दिदीबहिनीसँग टिका लगाएका छन् ।

नेपाली फिल्मका चर्चित कलाकारहरुको भाइटिकाका तस्वीर हामीले सामाजिक संजालबाट यहाँ प्रस्तुत गरेका छौं ।