सेन्सर बोर्डप्रति निश्चलको आक्रोश–‘नियम जाओस् टुकुचामा’

सेन्सर बोर्डप्रति निश्चलको आक्रोश–‘नियम जाओस् टुकुचामा’

चलचित्र सेन्सर बोर्डका कर्मचारीले परिवारका सदस्य समेत राखेर हिन्दी फिल्म ‘उचाई’को सेन्सर गरेको भिडियो संचार माध्यममा भाइरल भएपछि यतिबेला यसले चर्चा पाइरहेको छ । कुनै पनि फिल्मको सेन्सर गर्दा सेन्सरका पदाधिकारी बाहेक अरु बस्न पाइदैन । किनकी, फिल्मको सेन्सर गर्नु भनेको हरेक कुरामा संवेदनशिल भएर गर्नु हो ।

तर, आजबाट रिलिजमा आएको बलिउड फिल्म ‘उचाई’को सेन्सरमा सेन्सर बोर्डका पदाधिकारी मात्र होइन, उनीहरुका आफन्त र परिवारसमेत थिए ।

यो खबर बाहिर आएपछि निर्देशक निश्चल बस्नेतले कडा प्रश्न उठाएका छन् । उनले लेखेका छन्–‘वाह, चलचित्र सेन्सर बोर्ड । संचार मन्त्रालयमा भएको छलफल, निर्णय झलझल आद आयो । पदाधिकारीहरु बाहेक अरु कसैलाई फिल्म सेन्सर हुँदा राखिने छैन भन्नुभएको थियो । २०१२ मा ‘लुट’ सेन्सर हुँदा स परिवार बच्चाबच्चीसँगै राखेर पदाधिकारीहरुले सेन्सर गर्नुभएको थियो । अनी मलाई भाषण दिनुभएको थियो ।’

निश्चल अगाडि लेख्छन्–‘२०२२ मा पनि उचाई सेन्सर गर्न सपरिवार नै बस्नुभएछ । नियम जाओस् टुकुचामा । अब हेर्नुछ मलाई को कस्को जागिर जान्छ कि, स्पष्टिकरण मागेर छोडिनेछ । संचार मन्त्रालयले आफ्ना पदाधिकारी, सेन्सर बोर्ड र चलचित्र विकास बोर्डलाई कडा कारवाही गर्छ कि गर्दैन ? जुन जोगी आएपनि कान निरिएका….दुइटै कान ।’

प्रतिक्रिया