पछि परेपछि हिमेशको आक्रोश–‘हामीले ल्याएको भोट मासुभातको बदलामा आएको होइन’

Mero Film

कमेडियन हिमेश पन्तले आफूले ल्याएको मत मासु र भातको बदलातमा नल्याएको टिप्पणी गरेका छन् । धादिङ क्षेत्र नम्बर १ मा राष्ट्रिय स्वतन्त्र पार्टीबाट उम्मेदवार बनेका हिमेश मत परिणाममा पछि छन् । पछि परेपछि उनले सामाजिक संजालमा आक्रोश व्यक्त गर्दैै लेखेका छन्–‘करोडौ करोड खर्च गरेर चुनाव लड्नेहरुसँग २–४ लाख खर्च गरेर चुनाव लड्नु कुनै जोक हैन । धादिङ क्षेत्र नम्बर १ मा ५ वटा गाउँपालिका र १ वटा नगरपालिका छ । हाइवे र नगरपालिकामा वुझ्ने मान्छे भएपनि पहाड, गाउ र लेकका मान्छेहरुको चेतना स्तरमा अझै सुधार आएको छैन ।’

हिमेशले भोट माग्ने क्रममा नोट दिनेलाई मात्र भोट दिने भन्ने गरेको अनुभव पनि उल्लेख गरेका छन् । उनले, कतिपयले भोट चाहियो भने रक्सी र मासु खुवाउनुहोस् समेत भनेको लेखेका छन् । उनले धादिङ कुनै पनि हालतमा काठमाडौं जस्तो नहुने पनि उल्लेख गरेका छन् । उनले भने–‘हामीले ल्याउँदै गरेको भोट मासुभातको बदलामा आएको होइन, पैसाले किनेको भोट होइन । कुनै डर धम्कीबाट आएको भोट होइन । विना संगठन, विना पैसा, विना अनुभव, मुख्यमन्त्री राजेन्द्र पाण्डेसँग भिड्ने दम कुनै यूवामा थियो ?’

राष्ट्रिय स्वतन्त्र पार्टीका विभिन्न उम्मेदवारले विजय हासिल गर्दै गर्दा हिमेश धेरै पछि परेका छन् ।


Leave a Reply

Your email address will not be published.