‘महापुरुष’को कमाई १० करोड ग्रस, केक काटेर सेलिब्रेशन

‘महापुरुष’को कमाई १० करोड ग्रस, केक काटेर सेलिब्रेशन

कार्तिकको ११ गतेबाट रिलिज भएको फिल्म ‘महापुरुष’को निर्माण टिमले केक काटेर सफलता सेलिब्रेशन गरेको छ ।

यो फिल्मको टिमले आयोजना गरेको पत्रकार सम्मेलनमा रिलिजको एक महिनामा फिल्मले बक्स अफिसमा १० करोड ग्रस कलेक्शन गरेको उल्लेख छ । निर्माण टिमले काटेको केकमा पनि १०० मिलियन लेखिएको थियो ।

प्रदीप भट्टराइको निर्देशनमा तयार भएको यो फिल्म पाँचौ हप्तामा पनि सफलताका साथ चलिरहेको छ । मल्टिप्लेक्समा अझै पनि फिल्मलाई उल्लेख्य शोज दिइएको छ ।

फिल्ममा हरिवंश आचार्य, मदनकृष्ण श्रेष्ठ, राजाराम पौडेल, गौरी मल्ल, अन्जन बराइली, अरुण क्षेत्रीको मुख्य भूमिका छ । फिल्मले ५१ दिनको लोभलाग्दो सेलिब्रेशन गर्ने अपेक्षा गरिएको छ । विदेशमा पनि यो फिल्मले बम्पर कमाई गर्दै चलिरहेको छ ।

प्रतिक्रिया